لأن اسمك العراق...للعراقيين... بيوم الاربعاء الاليم

شنكتب وشنكول ماتكفي كلماتنةبيوم الاربعاء انهزت بغدادنةعلى فراك عزازهمبالبداية الله يرحم شهدائنا الابرار الي دفعو ثمن زمرة من ناس همهة وغمهة كراسيهم
الله يصبر كلب كل ام, كل اب, كل زوجة, كل زوج, كل اخ, كل اخت
وربي يصبرهم على فراك عزازهم.....

"لأن اسمك العراق"


"لأن اسمك العراق"

شلون وياك ياعراق شلون
يعني شعبك مايشوف الراحة
لو لأن اسمك العراق
يعني بس دمع ومناحة
شعبك دوم مظلوم
وصرحك صار مهدوم
لأن اسمك العراق
جسورك ومبانيك طايحة

ناسك مالحكو فرحو بيك
وديج الصبح مغبش صياحة
انهزت بغداد بكل مكان
واحمر الدم ضوة صباحة
العراق من الصبح معدوم
والناس صوتهة مكتوم
لأن اسمك العراق
جسورك ومبانيك طايحة

من شرق وغرب فجرو بيك
والناس هاجت وين رايحة
من انفجار يلحكهم انفجار
تيهو اليوم من البارحة
الدم صار النة هدوم
وتوكع كلما تحاول تكوم
لأن اسمك العراق
جسورك ومبانيك طايحة

والله يرحمهم.........

__________________